V9 V9 V9 V9 V9
កម្មវិធីស្រាយចម្ងល់

បទល្មើសកើតឡើងច្រើន នៅក្រុងតាខ្មៅ តែពុំទាន់ចាប់ខ្លួនជនល្មើសបាននៅឡើយទេ

កណ្តាល៖មួយរយៈពេលចុងក្រោយនេះ ចាប់តាំងពីលោកវរសេនីយ៍ទោ យី វណ្ណដា ឡើងជាអធិការនគរបាលក្រុងតាខ្មៅថ្មី ឃើញថា មានបទល្មើសច្រើនបានកើតឡើង ដែលជនល្មើសខ្លះក៏ត្រូវបាននគរបាលចាប់ខ្លួនបាន តែជនសង្ស័យខ្លះក៏មិនទាន់ត្រូវបានចាប់ខ្លួនដែរ ។

ករណីទី១ ៖ អំពើហិង្សាមួយ គឺ បានកើតឡើង បង្កអោយមានការភ្ញាក់ផ្អើលទាំងយប់ អស់រយៈពេលជាច្រើនម៉ោង ដោយបណ្តាលអោយមនុស្ស៤នាក់ រងរបួសធ្ងន់ស្រាល បញ្ជូនទៅសង្គ្រោះនៅមន្ទីរពេទ្យ ។ ចំណែកក្រុមជនល្មើស បានគេចខ្លួនដោយសុវត្ថិភាពមិនរំខានដល់សមត្ថកិច្ចនោះទេ ។ ករណីនេះ បានកើតឡើងកាលពីយប់ថ្ងៃទី១២ ខែធ្នូ នៅលើផ្លូវលំ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។

ករណីនេះ នគរបាលកំពុងតាមប្រមាញ់ជនសង្ស័យ ដោយពុំទាន់ចាប់ខ្លួនបាននៅឡើយទេ ។

ករណីទី២ ៖ នៅវេលាម៉ោង១៨៖៣០នាទី ថ្ងៃទី១៧ ខែធ្នូ ឆ្នាំ២០១៩ មានករណីជនល្មេីសភ្ជង់ប្លន់យកម៉ូតូពីនារីវ័យក្មេងម្នាក់ បានសម្រេច រួចគេចខ្លួនដោយសុវត្ថិភាព ។ ទីតាំងកេីតហេតុស្ថិតនៅក្លោងទ្វារវត្តឈូងលៀបផ្នែកខាងត្បូង ក្នុងសង្កាត់រកាខ្ពស់ ក្រុងតាខ្មៅ ខេត្តកណ្តាល ។

ករណីនេះ ក៏នគរបាលកំពុងតាមប្រមាញ់ជនសង្ស័យ ដោយពុំទាន់ចាប់ខ្លួនបាននៅឡើយទេ ។

នៅមានករណីមួយចំនួនទៀត ដែលសមត្ថកិច្ចកំពុងតាមប្រមាញ់ ។ ប្រជាពលរដ្ឋ សង្ឃឹមថា ពួកគេនឹងរស់នៅដោយមានសេចក្តីសុខ និង សុវត្ថិភាព ក្រោមកិច្ចការពារសន្តិសុខ ពីសមត្ថកិច្ចពាក់ព័ន្ធទាំងអស់ ៕

V9 V9 V9 V9 V9 V9
V9

ទំនាក់ទំនងផ្សាយពាណិជ្ជកម្ម

092 449 333 090 449 333 016 449 333 | Mail: info@cpc-news.com

Copyright © 2019 CPC NEWS, All rights reserved.

To Top